Deputeti socialist Erjon Braçe ka ngritur zërin për heshtjen që politika e shoqëria po bën për jetët e humbura të dy pacienteve në Spitalin privat Amerikan në Tiranë.
Përmes një statusi në rrjetin social Facebook, Braçe, ngre pyetjen se si do të ishte reagimi nëse vdekja e tyre do të kishte ndodhur në një spital shtetëror. Duke përmendur median, shoqërinë civile, ish-kryeministrin Berisha, apo edhe deputeten demokrate Albana Vokshi e cila shpesh kritikon shëndetësinë shqiptare, se përse nuk po reagojnë për këtë krim të ndodhur brenda në spitalin privat.
“A mund te pyes; Nese ky krimi i sotem me zjarr dhe dy gra te vdekura mu brenda ne spital, te ndodhte ne nje spital publik-spital te shtetit, cdo te ndodhte?
Cdo kish bere secili prej “te forteve” te rrjetit?
Cdo kish bere media, elektronike, online apo ne leter?
Cdo kish bere shoqeria civile?
Po Presidenti cdo kish bere?
Pu pu pu pu, po Sali Berisha qe po hesht cdo kish bere?
Albana eeeeej, Albana qe qellon pa fund shtetin, publiken dhe, tani po hesht, cdo te bente?
Ka ndonje pergjigje? Sepse ka nje perpjekje te madhe per te fshehur ku ka ndodhur krimi. Sepse duan ta fshehin faktin qe ka ndodhur mu brenda ne Spitalin Amerikan ne Tirane”, shkruan Braçe.
Disa media shqiptare nuk e paraqitën lajmin e vdekjes së dy pacienteve në pavionin e hemodializës, për shkak se kishin reklamë Spitalin Amerikan, ndërsa të tjera bën publik presionin që ky spital i bëri për të hequr emrin nga ngjarja, në të kundërtën do t’i ndërprisnin buxhetin e reklamës.
Dy paciente 55-vjeçare humbën jetën pasi në dhomën e hemodializës ku ato merrnin shërbimin, një 57-vjeçar hyri me një bidon benzinë në dorë dhe ja hodhi një pacienti 47-vjeçar duke i vënë më tej flakën. Dhoma u shkrumbua nga zjarri, ndërsa dy pacientet e moshuara nuk mundën të dilnin gjallë.
