Banorët e pallatit 10-katësh që u përfshi nga flakët pasditen e 14 shtatorit 2023 nuk kanë ende një përgjigje se kur do të futen brenda. Ndërkohë dëmet materiale që ata kanë pësuar janë të mëdha.
Aldrin Dalipi, kryetari i këshillit të qarkut dhe anëtarë i këshillit bashkiak të Tiranës në një intervistë në studion e Report TV tha se po shikohet mundësia për të ndihmuar familjet e dëmtuara.
“Është një ngjarje e rëndë e papritur e paimagjinuar por presim përfundimet e sakta në lidhje me këtë rast dhe mëpas të dalin përgjegjësit kyesorë. Mund të jetë kompensim për orenditë e brendshme, në bazë të një manuali të miratuar nga qeveria. Në këtë pjesë bashkia do të bëjë vlerësimin e dëmeve dhe do u gjendet sa më shpejt në krah për ti ndihmuar” tha Dalipi duke garantuar dhe mbështetjen e këshillit të qarkut dhe të këshillit bashkiak.
Këtë vit familjet e kryeqytetit kanë vendosur ti besojnë fëmijët në shkolla e kopshte shtetërore.
‘Debate jo të domosdoshme dhe herë herë pa etikë’ i cilësoi Dalipidebatet e djeshme në këshillin bashkiak mes kryetarit të Bashkisë dhe këshilltarëve opozitarë të cilët kundërshtuan vendimin për një fond shtesë prej 6 mln eurosh për inceneratorin e Tiranës. Dalipi tha se “Tirana do vijojë të jetë e pastër“
“Këtë vit ka pasur kërkesa të jashtëzakonshme për të futur fëmijët në shkolla e kopshte shtetërore. Kjo do të thotë që i besojnë standardeve dhe cilësisë së shkollave publike. Bashkia e Tiranës do të vijojë me rikonstruksionin e shkollave” tha më tej Dalipi.
Pallati 10-katësh pranë ish-parkut të Autobusëve në Tiranë u ndërtua në vitin 2021 nga biznesmeni vlonjat Tanush Mëhillaj. /f.s
