Kryetari i Këshillit Kombëtar të PD-së, Bujar Nishani po zhvillon një takim me kreu e Partisë Demokratike, Lulzim Basha në selinë e kësaj partie. Takimi vjen një ditë pas vendimit të PD-së për djegien e mandateve të deputetëve. Vendimi përfundimtar i mandateve jepet nga Këshilli Kombëtar i PD-së.
Në një prononcim për gazetarët pas takimit, kryedemokrati Basha tha se nga e enjtja nuk do të ketë më parlament. Ditë kur opozita, pas tubimit të së shtunës para kryeministrisë, do të mblidhet në një protestë tek parlamenti.
“Nuk ka kthim prapa, nuk është thjesht djegie mandatesh, nuk do ketë më parlament, nuk do ketë parlament fasadë, ata mund të mblidhen të marrin vendime dhe shqiptarët do i përgjigjen. Ne do të jemi krah qytetarëve”, tha Basha.
I dha sqarim edhe qeverisë tranzitore: Dorëheqja e Ramës dhe hetimi i tij.
Detyra e parë e qeverisë tranzitore – tha Basha – “do të jetë të arrestojë politikanin e kapur në vjedhje votash, Vangjush Dako, kryebashkiak i Durrësit”.
“Qeveria e ndalon arrestimin e tij, duhet të mos ketë asnjë ndërhyrje politike si ajo e Ramës për të mos arrestuar Dakon. Një nga arsyet e shkarkimit të Xhafës ishte që për luftën e klaneve rrezikoi arrestimin e Vangjush Dakos. Damian Gjiknuri që është kapur duke vjedhur vota duhet të shkojë në burg”, përfundoi kryetari i Partisë Demokratike.
Kujtojmë që PD vendosi dje unanimisht të djegë mandatet parlamentare. Ndërkohë në mbledhjen e djeshme të Grupit Parlamentar të PD-së u morën edhe tre vendime të tjera.
I pari: Unanimisht votohet pro djegies së mandateve, pavarësisht diskutimeve në parim.
I dyti: Të mandatohet kryetari Basha të mbledhë këshillin kombëtar për marrjen e vendimit përfundimtar.
I treti: Të ngrihet një grup pune për teknikalitetet m enjerëz që njohin ligjin dhe zgjedhjet. Janë propozuar për grupin: Gaz Bardhi, Oerd Bylykbashi, Enkelejd Alibeaj, Clirim Gjata, Ivi Kaso. Vendmit të PD-së për djegien e mandateve iu bashkuan edhe partitë e tjera opozitare.
/a.meta
