Një kabëll elektrik është djegur në shkollën 9-vjeçare numër 3 në qytetin e Laçit. Ngjarja ka ndodhur mëngjesin e sotëm, duke shkaktuar panik te nxënësit, të cilët janë nxjerrë menjëherë jashtë.
Shkak i djegies së kabllit elektrik ka qenë një defekt në sistemin elektrik të shkollës. Sipas mediave informative, djegia e kabllit elektrik ka shkaktuar flakë brenda shkollës, duke nxirë gjithë pjesën e murit.
Ndërkohë, në vendngjarje kanë mbërritur menjëherë forcat zjarrfikëse, të cilat bënë të mundur fikjen e zjarrit. /e.s/
