Një konfkilkt në familje ka bërë që një djalë 23-vjeç të qëllojë të atin me armë të modifikuar si armë sportive.
Sipas njoftimit të policisë ngjarja është shënuar gjatë mesnatës në banesën e tyre në fshatin Mbrostar Ura.
Jashar Zyka tashmë i arrestuar plagosi në këmbë Nexhmedin Zykën (babain).
Debati mes tyre kishte nisur në mbrëmje kur babai i 23 vjecarit i tha se duhej të shtrohej në spital psikiatrik për tu trajtuar. Por kjo duket se ishte e papranueshme për 23 vjecarin i cili mori armën dhe qelloi drejt të atit.
Ky i fundit ndodhet në spitalin e Fierit dhe jashtë rrezikut për jetën, ndërsa 23 vjecari u arrestua.
“Shërbimet e Komisariatit të Policisë Fier, rreth mesnatës, sapo janë njoftuar se një shtetas kishte plagosur babanë e tij, në banesën e tyre, në fshatin Mbrostar Ura, kanë organizuar punën dhe kanë shkuar në vendngjarje, me qëllim kapjen e autorit.
Si rezultat i veprimeve të shpejta policore u kap dhe u vu në pranga, shtetasi J. Z., 23 vjeç. Ai dyshohet se pas një konflikti me babanë e tij, shtetasin N. Z., 58 vjeç, e ka plagosur atë, në këmbë, me një armë të modifikuar si armë sportive. 58-vjeçari është aktualisht në kujdesin e mjekëve dhe jashtë rrezikut për jetën”, informoi sot policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
