Djali i saj vetëm 4 vjeç u rrëzua dhe pësoi një traumë shumë të madhe në kokë, por ajo e la në tokë, pa lajmëruar ndihmën e shpejtë.
Është kjo mënyra në të cilën Rebecca Rivera 34 vjeç, la të vdiste djalin e saj Jacob, mes dhimbjeve si pasojë e dëmtimeve të marra në kokë, ku pësoi hemorragji cerebrale.
Nëse nëna do të telefononte ndihmën e shpejtë, ndoshta djali mund të ishte në jetë, por gjendja e tij u përkeqësua, deri sa vogëlushi gjeti vdekjen.
Menjëherë pas kësaj, Rebecca e hodhi kufomën e të birit në det, pa i thënë askujt, duke menduar se kishte hequr qafe një problem.
Por trupi i vogëlushit u gjet në një plazh, por për shkak se askush nuk kishte bërë denoncim për zhdukjen e tij, identifikimi i të miturit u bë shumë i vështirë.
Pas tetë muajsh hetimesh, gruaja që jeton në Texas, pranoi se vogëlushi kishte përplasur fortë kokën pas muri, duke tentuar të ikte prej saj, pasi ajo donte ta qëllonte.
Në ditët në vijim, fytyra e Jacob u enjt, por ajo nuk e çoi në spital, deri kur 4-vjeçari gjeti vdekjen, shkruan noa.al. Kështu, për të shmangur telashet për veten, gruaja e hodhi kufomën në det.
Nuk dha asnjë shpjegim për mungesën e djalit, ndërkohë që këtë të mërkurë gruaja është arrestuar, së bashku me një bashkëpunëtoren e saj, Dania Sarai Amezquita Gomez, 31 vjeçe.
