Një tjetër dëshmi është lidhur me ngjarjen e rëndë, është ajo e babait dhe vëllait të 15-vjeçares së dhunuar seksualisht nga roja i shkollës së saj Abaz Doku në Babrru.
Të ftuar në emisionin “Me Zemër të Hapur”, ata treguan detaje të pathëna dhe u përballën live me nënën e një 20-vjevcari që gjithashtu është nën hetim për përdhunimin e saj.
Babai tha se deri dje, kur i biri doli në TV, “Nuk ka pasur asnjë psikolog që i kanë ardhur vajzës në shtëpi”.
Me kë je takuar dje?
Vëllai: Me prindërit e komshiut 20-vjeçar dhe ky ka abuzuar me motrën. U takova në kafe më kërkoi tërheqjen e denoncimit, më thanë ka qenë i dehur, pa vetëdije. Unë i thashë që fotot dhe filmimet si i kanë bërë?
Ndërsa vëllai tregonte, në një lidhje live ndërhyri nëna e djalit të akuzuar:
“Djali im nuk ka përdhunuar njeri, jam e sëmurë me tension djalin ma ka gënjyer ai (Abazi), ma ka marrë, ma ka dehur i ka dhënë me pi. Nuk kam takat me fol sot, jemi familje e rregullt”,-thotë ajo.
Gruaja ka shtuar se: “Goca vetë ka thënë me Klajdin nuk kam gjë, e kam thjeshtë shok”.
Kjo deklaratë ka nxitur sërish reagimin e vëllait të 15-vjeçares, i cili i tha: “Boll ti! Motra ime e zhveshur në krevat me djalin tat, më ka ardh foto si thua ti nuk e di, e ka pranuar motra ime që e ka përdhunuar ai, i ka treguar të gjitha”.
g.kosovari
