Policia greke është ende në ndjekje të Klodian Lesit, shqiptarit që vrau gruan greke dhe është arratisur bashkë më djalin e vogël, ndërsa vjehrri i tij ka thënë së fundmi për median se djali më i madh i çiftit është në gjendje depresive dhe nuk pranon të flasë për prindërit e tij.
“Djali më i madh nuk është më fëmijë. Ai refuzon që të flasë për prindërit”, ka thënë greku, teksa shtoi se djalit të vogël duket që çdo ditë e më shumë i shtohet ankthi nga pritja me padurim e vëllait më të vogël.
“Shikon nga dritarja duke pritur se mos sheh të vëllanë t’i kthehet”.
Dje mediat publikuan një video ku dukej i filmuar nga kamerat e sigurisë një burrë që mbante një fëmijë në krahë. Por ende nuk është vërtetuar nëse ishte Lesi me djalin apo jo.
Informacionet që kanë shkuar në polici janë se Lesi po përpiqet të futet në Shqipëri dhe se mundësia më e madhe është që ai të jetë në zonën e Prevezës.
