Martin Pistorious u rrit në Afrikë të Jugut me dy prindërit e tij, duke e kuptuar më pas se jeta e tij do të ndryshonte përgjithmonë.
Kur ai ishte 12 vjeç, ai erdhi nga shkolla duke mos u ndjerë mirë. Të brengosur me gjendjen e tij, prindërit e dërguan në spital për t’ia bërë të gjitha analizat e mundshme.
Për fat të keq, çdo gjë u kthye negative pa përgjigje reale se pse Martin ishte bërë kështu në këtë mënyrë. Martin po bëhej çdo muaj e më keq, duke humbur kontrollin mbi trupin e tij.
Ngadalë ai humbi lëvizjet e tij, duke mos qenë as në gjendje që të bëjë kontakt me sy me prindërit e tij, duke u bërë në fund krejtësisht memec, i paaftë për të folur, transmeton Gazeta Express.
Derisa më në fund erdhi një rezultat nga testet, me një tregues të qartë për atë që Martin kishte; Cryptococcal Meningitis, që në thelb do të thotë diçka shumë e keqe për doktorët. Ata ishin të sigurt plotësisht se ky ishte fundi i Martin dhe se prindërit e tij duhet ta dërgojnë në shtëpi që ditët e fundit të jetës t’i kalojë me ata.
Kur Martin arriti në të njëzetat e tij duke qëndruar në atë gjendje pa vdekur, filluan të shfaqen shenjat e përmirësimit; ai ishte në gjendje që t’i lëvizte sytë, të shtrëngojë dorën e njerëzve dhe të qëndronte në karrocë.
Nëna e tij e braktisi punën për t’u kujdesur për të gjatë këtyre viteve terapi, dhe Martin e përshkruan atë se si ishte të jesh 12 vjet krejtësisht i padukshëm në jetën e të gjallëve.
Martin e përshkruan përvojën e tij kështu:
“Isha aty, jo nga fillimi, por dy vitet e fundit të gjendjes time, unë fillova të zgjohem. Mënyra më e mirë për ta përshkruar këtë gjendje është ndjenja si të jesh në një imazh jashtë fokusit. Në fillim ju nuk e keni idenë se çfarë është, por ngadalë fokusi e qartëson krejtësisht pamjen. Provoja ta lëvizja krahun, dukej sikur çdo qelizë e imja ishte kondensuar në atë moment. Të gjithë mendonin se nuk isha aty. Mendova se do ta kaloj tërë pjesën tjetër të jetës sime ashtu, krejtësisht i vetëm”.
Duket se kur je në gjendje kome, në fakt je aty, edhe pse për të tjerët jo. Mund t’i dëgjosh ata, je në një vetëdije të qetë dhe mendon.
Martin ka krijuar një të ardhme krejtësisht të re për vete dhe të dashurën e tij, duke krijuar një biznes për dizajnimin e uebfaqeve. Ai madje ka treguar historinë e tij të plotë në librin e tij të quajtur “Djali Fantazmë”, ku shpjegohet gjithçka që ai ndjeu dhe përjetoi./a.m.
