Nga Tritan Kalo, mjek
17 vite MËVEHTËSI të Shqipërisë së andej Drinit, KOSOVËS….
Si Shqiptar, si Atdhetar, si Mantelbardhë, si Prind dhe si Besimtar i Shqiptarizmës, ju uroj të gjithë Shqiptarëve jo vetëm në Kosovë dhe në Trojet Arbërore, POR të gjithë Shqiptarëve kudo që ende mendojnë, frymojnë dhe e ruajnë shenjtërinë e Gjuhës Hyjnore Shqipe: GËZUAR DITËN E MËVEHTËSISË SË KOSOVËS!!!….
Politikanëve në Prishtinë, Tiranë, Shkup, Podgoricë e Preshevë i uroj dhe i nxis të kenë më shumë bashkëpunim dhe mirëkuptim mes vedit, sepse e Ardhmja e Kombit Shqiptar është në udhëkryq….
DALLGËT e ALBANOFOBISË e TË PROSLLAVIZMIT mbi Trevat Arbërore të 28.11.1912 ende nuk kanë reshtur e gjasat janë që ato do të vijojnë edhe më tej….
Stërnipërit e realizuesve të Konferencës së Berlinit të 1878, të Konferencës së Londrës më 1913 dhe të Konferencës së Versajës më 1919, ende janë për “qetësimin e ambicieve të sllavëve të jugut” në kurriz të Shqiptarëve dhe të Trojeve Arbërore në përgjithësi, si dhe në këto momente në kurriz të Trojeve të Republikës së Kosovës dhe të Shqiptarëve të saj….
“Zajednica/Asosiacioni Monoetnik i Komunave Sërbe” në Kosovë, kur me “Planin Ahtisari” ju imponuan asaj Multietnicitetin dhe Multikulturalizmin në Trojet ku mbi 95% e popullatës janë Shqiptarë, nuk është gjë tjetër veçse kurthi/pabesija e rrallës në kurriz të interesave tona Kombëtare….
Në Marrëveshjen katër pikëshe të Ohrit mes Sërbisë e Kosovës, pika e parë flet për Njohjen reciproke pra të njohjes së Mëvehtësisë së Kosovës nga Sërbia…..
Përse nuk kërkohet zbatimi i saj por këmbëngulet në Krijimin e Asosacionit, që është pika e tretë e Marrëveshjes?!?!
Përse Komunat e banuara nga shqiptarët në Kosovën lindore/Serbinë jugore nuk e kanë mundësinë të krijojnë edhe ato Asosiacionin e Komunave Shqiptare me po ato të drejta, që Plani Franko-Gjerman po i imponohet Kosovës për Asosiacionin e Komunave Serbe në Veri të Kosovës?!?!
DJALLI gjithmonë është fshehur nëpër detajet e marrëveshjeve diplomatike, sidomos kur ato janë përpiluar nga fuqi ndërshekuj sllavofile e albanofobe…..
Plani i Paqes së Dayton-it në 1995 “vetëm i hodhi hi” gacave kurdoherë të ndezura të konfliktit në Bosnje-Hercegovinë, duke e mbajtur “në pragshpërthimi” atë konflikt me Republikën Sërbska…..
Plani franko-gjerman që po i imponohet Kosovës sot më 2023, ecën po në logjikën jo konflikzgjidhëse përfundimtare aty, me krijimin e Asosiacionit monoetnik të Komunave Sërbe….
FTOHJA e KONFLIKTEVE nuku është ZGJIDHJE, por thjesht kohështyrje e kësaj zgjidhje në përputhje me interesat GJEOGLOBALISTE të kohës….
KOMBI dhe INTERESAT tona KOMBËTARE janë të përjetshme dhe ato janë të pa negociueshme….
SHQIPËRIA dhe SHQIPTARIZMA ishin, janë dhe kurdoherë do të mbeten mbi të gjitha…..
Luftëtarët, drejtuesit e UÇK-së dhe firmosësit e Kartës së Mëvehtësisë së Kosovës më 17.02.2008 po mbahen sot në Hagë, ndërkohë që “qeveritarë të kabinetit të Regjimit të Kasapit të Ballkanit, Sllobodan Millosheviçit”, hartuesit e akuzave të rrejshme ndaj tyre janë ata, që sot drejtojnë Sërbinë si dhe janë interlokutorët e BE-së në “gjoja zgjidhjen e mosmarrëveshjeve Kosovë-Sërbi”….
KOMBI SHQIPTAR është i flijuar kurdoherë nga ALBANOFOBËT e Berlinit, të Parisit, të Londrës, të Moskës, të Ankarasë dhe të Uashingtonit, për të “mikluar shpirtvrarjen nacionaliste-ekstremiste të Serbëve agresorë dhe pushtues” të Trevave tona Arbërore….
PESË vende anëtare të BE-së ende nuku e njohin Mëvehtësinë e Kosovës, ndërkohë që po i imponohen asaj të vijojë të bëjë lëshime në favor të Sërbisë së agresorëve të katër luftërave në Ballkan në 10 vitet 1990-1999 dhe të shkaktarëve të dhjetra mijra viktimave në këto konflikte….
NE DUHET TË PUNOJMË, E TË PËRPIQEMI TË GJITHË PËR ÇDO DEKIKË SI NJË KOMB E TË PANDARË, TË GJITHË SHQIPTARË:
– TË NJË FARE,
– TË NJË GJUHE,
– TË GJITHË BIJA E BIJË TË NËNË LOKES SHQIPËRI,
– NËN TË NJEJTIN FLAMUR KUQ E ZI, si dhe
– ZOTËR TË TROJEVE TONA AMËTARE.…
VETËM e VETËM BASHKIMI KOMBËTAR, PUNA e PËRPJEKJET për MBROTHËSIMIN e të GJITHAVE TROJEVE AMËTARE të 28.11.1912, do të PËRCAKTOJNË drejt e në kohë FAKTORIZIMIN e DUHUR dhe të MERITUAR TË SHQIPTARËVE NË ILLYRICUM PENINSULA e më gjërë….
Vetëm qëndrimi konsekuent panshqiptar në raport me të tjerët “EYES to EYES and TEETH to TEETH”, është ay i domosdoshmi e që DUHET të jetësohet me këdo, i cili po cënon ose do të cenojë INTERESAT TONA KOMBËTARE…..
TË MOS HAROJMË SAKRIFICAT E JASHARËVE dhe të RËNËVE për LIRINË e SHQIPËRISË së andej Drinit, KOSOVËS…
SHQIPËRIA e andej dhe e këndej Drinit, ishin, janë dhe kurdoherë do të jenë së bashku pjesë të një trungu të përbashkët të Trojeve Arbërore në Illyricum Peninsula…..
