Deri në mesditë, zonat e ulta dhe bregdetare do të jenë në ndikimin motit të kthjellët por me alternime kthjellimesh dhe vranësirash paraqitet moti për zonat malore verilindore- juglindore duke rrezikuar shira të karakterit lokal.
Pjesa e dytë e ditës do të sjellë largim të vranësirave dhe shirave edhe nga zonat malore duke bërë kështu që i gjithë vendi të dominohet nga kthjellime dhe vranësira të lehta e kalimtare.
Sipas MeteoAlb, temperaturat e ajrit do të pësojnë sërish rënie me 2- 3 gradë në të dy vlerat ekstremale të ditës. Era do të fryjë e lehte dhe mesatare me shpejtësi 25 km/h nga verilindja duke bërë që në brigjet detare të gjenerohet dallgëzim i ulët.
Europa
Qarkullimi i masave ajrore me origjinë polare do të kushtëzojnë mot me vranësira dhe reshje shiu e dëbore në gadishullin Skandinav si edhe vendet lindore. Po ashtu me vranësira dhe rrebeshe shiu do të mbetet moti për Greqinë.
Ndërsa, pjesa tjetër e kontinentit Europian do të jetë në ndikimin e masave ajrore të qëndrueshme duke bërë që moti i kthjellët dhe vranësirat kalimtare të jenë dominuese./noa/a.k
