Ditën e sotme (8 prill) vendi ynë do të ndikohet nga kushte atmosferike relativisht të qëndrueshme. Moti parashikohet me kthjellime dhe alternime vranësirash mesatare deri të dendura, më të theksuara në zonën lindore dhe jugore të vendit.
Reshjet e shiut do të jenë të dobëta, në formë pikash në jug të vendit, ndërsa pjesa tjetër e territorit pa reshje. Era do të fryjë me drejtim verilindje -veriperëndim me shpejtësi mesatare 8 m/s, ndërsa në lugina dhe bregdet do të fitojë shpejtësi 15 m/s, e shoqëruar me valëzim në detet Adriatik dhe Jon të forcës 2-3 ballë.
Temperaturat parashikohen:
Në zonat malore -2 deri 5°C;
Në zonat e ulëta 0 deri 15°C;
Dhe në bregdet 3 deri 15°C.
