Ditën e sotme (24 gusht) vendi ynë do të ndikohet nga kushte atmosferike të qëndrueshme. Sipas Shërbimit Meteorologjik Ushtarak, moti parashikohet i kthjellët si dhe alternime vranësirash dhe hera-herës deri të dendura kalimtare përgjatë relieveve kodrinore – malore të vendit nga orët e mesditës deri ato të pasdites.
Nga orët e mesditës deri pasdite në relievet kodrinore dhe kryesisht ato malore të vendit do të ketë reshje shiu afatshkurtra, lokale dhe në formën e pikave. Pas orëve të pasdites, reshjet e shiut do të ndërpriten. Era do të fryjë me drejtim kryesor verilindje -veriperëndim me shpejtësi mesatare 7m/s, përgjatë vijës bregdetare dhe zonat luginore era fiton shpejtësi deri në 14 m/s ndërsa valëzimi në det do të jetë i forcës 1-3 ballë.
