Dhjetëra të rinj të Forumit Rinor të Partisë Demokratike po protesojnë në afërsi të një sërë institucioneve shtetërore.
Protestat janë vendosur në Ministrinë e Brendshme, atë të Shëndetësisë, Arsimit si dhe pranë Bashkisë së Tiranës. Në shenjë simbolike të rinjtë kane hedhur “pako hashashi” pranë Ministrisë së Brendshme.
Në MSH të rinjtë kanë shkuar me një arkivol, duke e cilësuar këtë institucion si Ministrinë e Vdekjes. Ndërsa në Ministrinë e Arsimit është kërkuar dorëheqja e ministres Nikolla.
Më pas të rinjtë e FRPD-së do t’i drejtohen të gjithë kryeministrisë në shenjë proteste kunder qeverisë.
Protesta bëhet në kuadër të Ditës së Rinisë dhe rikujtimit të 8 dhjetorit.
