Kryetari i Kuvendit, Ilir Meta, në Ditën e Jetimëve vuri theksin te problemet që kjo shtresë e shoqërisë ka në arsim, punësim dhe kujdesin shëndetësor.
“Solidariteti njerëzor me fëmijët jetimë janë shtylla të rëndësishme të emancipimit dhe humanizmit të një shoqërie bashkëkohore. Shembujt e mirë duhet të shtohen dhe të promovohen. Politikat e qytetit nuk duhet të vijnë si bamirësi, por si një politikë e vazhdueshme, si një zbatim i të drejtave ligjore dhe të njeriut. Situata aktuale dëshmon se jetimët kanë probleme. Ka sfida në arsim, punsim dhe kujdes shëndetësor. Ndaj problemeve të tyre duhet të reagojmë të gjithë me vendosmëri”, tha Meta.
“Organet e qeverisë vendore duhet të angazhohen edhe më shumë për strehimin e jetimëve. Më shumë punë për jetimët do të thotë një shoqëri më e mirë dhe e drejtë. Jetimët ndërpresin studimet për të garantuar mbijetesën. Por, arsimimi i plotë jep më shumë mundësi për të ardhura më të mira”, shtoi Meta./a.ç
