Në ditën e 17 të grevës së urisë, naftëtarët ende nuk kanë marrë një përgjigje nga qeveria në lidhje me kërkesat e tyre, pagat e prapambetura dhe rifillimin e punës. Sot naftëtarët kanë shqyer me forcë derën dhe janë futur në ambientet e uzinës. Bashkë me ta ndodhen edhe grevistët, të cilët kanë lënë ambientet e ngujimit dhe po marshojnë rreth rafinerisë. Në mbështetje të tyre ndodhen edhe sindikata e fermerëve.
Ndërkohë për mediet, kreu i Sindikatës së naftëtarëve, Sokol Dautaj tha se kompania “doli zbuluar” pasi aty nuk punon askush nga administrata.
“Këta kanë marrë një urdhër, për të mos i nxjerrë zbuluar, këtu nuk ka privat. Kjo nuk është një protestë e dhunshme, ne jemi këtu për t’u treguar shumë qartë që ky ka qenë një show i radhës, nuk ka pronar. Tani nuk ka asnjë zyrë, dera është kycur, prej një viti ka heshtje, ai që thotë jam pronar, ne kemi dëgjuar që ka iku “Allun”. Kjo i nxjerr zbuluar që këtu nuk ka. Nuk e mbajnë dot këta rafinerinë”, tha Dautaj.
Ai shtoi më tej: “Është i gjithë fati i qytetit. Rafineria punon me naftëtarë. Të na japin ca na takon, ikim ne shikojmë hallin tonë. Hapi i radhës është shumë i qartë, kjo është në dorën e naftëtarëve, më shqip dhe qartë që i kemi shprehur kërkesat tona, nëse do ia lëmë Zotin, ne të vdekur jemi”.
Në 3 shtator naftëtarët nënshkruan kontratat që rrjedhimisht do të sillnin edhe rikthimin e tyre në punë, por një gjë e tillë nuk ndodhi! Sa i përket pagave të prapambetura kompania mëmë “Allum Enteprises ” është shprehur se nuk do t’i japë të gjitha pasi një pjesë e tyre i takojnë kompanisë së mëparshme “Tosk Energy”, me të cilën është fituar gjyqi. Ata i bëjnë thirrje ministrisë së Infrastrukturës, Belinda Balluku që të reagojë dhe t’i japë një zgjidhje këtij problemi që zgjat prej muajsh.
g.kosovari
