Si çdo 29 shtator edhe sot është dita botërore e zemrës.
Në shtator 2013, qeveria shqiptare u angazhua për të treguar një kujdes të veçantë për sëmundjet kardiovaskulare (së bashku me sëmundjet tumorale) sepse këto sëmundje sjellin numrin më të madh të fataliteteve.
Në 6 vite, sistemi shëndetësor është zhvilluar e fuqizuar duke zgjeruar ndjeshëm ofertën e kujdesit për sëmundjet kardiovaskulare.
Programi i kontrollit bazë shëndetëtsor për grupmoshën 35 – 70 mundëson falas çdo vit disa analiza biokimike dhe EKG.
Më shumë barna për sëmundjet kardiake në listen e barnave të rimbursueshme.
Kabinete kardiologjie (Echo kardiake dhe pajisje prove ngarkese) ka në seicilin nga 11 çdo spitalet rajonalë të vendit dhe në 5 poliklinika në Tiranë (përfshirë Kamëz e Paskuqan).
Urgjencë kardiake 24/7 në QSUT.
Urgjencë cerebrale-vaskulare (stroke) 24/7 në QSUT.
Paketa të ndërhyrjeve kardiake miniinvazice dhe kardiokirurgjike mundësojnë që pacientët të përfitojnë kujdes shëndetësor falas edhe në spitalet private.
Angiografi në spitalin universitar Shefqet Ndroqi.
Angiografi në spitalin rajonal të Shkodrës.
Angiografi në spitalin Rajonal të Fierit.
Megjithatë mbetet ende shumë për të bërë. Sidomos për parandalimin.
Një nga drejtimet ku mund dhe duhet të punohet është reduktimi i përdorimit të duhanit, sheqernave, kripës, yndyrnave. Një nga format e reduktimit është edhe rritja e ngarkesës tatimore për produkte të caktuara.
Për këtë duhet të merret në konsideratë qoftë rritja e shkallës tatimore për produktet e duhanit, qoftë fillimi i taksimit të sheqernave.
