Kryeministri Edi Rama ka komentuar ngjarjet që pasuan fjalën e tij në KiE. Përmes Twitter, shefi i ekzekutivit shqiptar shprehet se disa prej deputetëve europian të ftuar për darkë e anuluan pjesëmarrjen e tyre.
Por Rama nuk ka lënë pa komentuar edhe qëndrimin e Partisë Demokratike dhe kryesisht të Sali Berishës. Ai e quan këtë të fundit një njeri pa atdhe dhe katran me bojë.
Ja reagimi i plotë i Ramës këtë të enjte:
Disa prej të ftuarve mbrëmë nuk erdhën në darkën e organizuar nga misioni ynë në Strasburg, megjithëse e kishin konfirmuar më parë! Nuk ndjehemi mirë pas fjalimit, ishte arsyeja. E mirëkuptueshme. S’ke si ndjehesh mirë kur dëgjon një histori horrori si sajesa e trafikut të organeve!
Bashkëbisedimi me ndonjërin syresh pas darkës ishte kuptimplotë. U ka rënë si rrufe në qiell të pastër!Do t’u duhet ca kohë për të analizuar faktet, kuptuar madhësinë e frikshme të gabimit të bërë një dekadë më parë dhe adresuar nevojën për korrigjimin e tij me një akt të ri.
Por është e neveritshme, që edhe për një padrejtësi kaq ekstreme dhe për një të drejtë kombëtare kaq legjitime, e kaq përtej politikës së ditës, e djathta jonë e nongratave dhe e rublave, gjen kurajon të kundërvihet e të merret me dokrra!#NjerëzPaAtdhe #KatranMeBojë
/a.r
Qartë. Saktë. Shterues.
Në vijim të rublës…thuhet……Toçka.
Bravo. Na nderove shqiptarisë.