Prej kohësh kishin probleme në çift, ndërsa këtë të mërkurë 53-vjeçari Teodor Lera ka mbytur bashkëshorten e tij Eva Lera, 42 vjeçe. Po ashtu, 53-vjeçari disa muaj më parë e kishte plagosur gruan e tij në kokë.
Ngjarja e rëndë ndodhi pak pas mesditës, pranë Drejtorisë së Policisë së Qarkut të Vlorës.
Mësohet se 53-vjeçari, pasi ka kryer aktin e rëndë me thikë ka prerë damarët dhe ndodhet në spital në gjendje të rëndë për jetën. Krimi ndodhi brenda banesës së çiftit në katin e parë të një pallati. Policia është lajmëruar nga familjarët e tjerë të çiftit.
Efektivët pasi kanë shkatërruar derën e shtëpisë janë futur brenda dhe kanë gjetur tëe vdekur 42-vjeçaren Eva Lera, ndërsa bashkëshorti i saj Teodori ishte në gjendje të rëndë, i mbuluar nga gjaku. Mësohet se prej kohësh ai ka ushtruar dhunë ndaj bashkëshortes, ndërsa kishin tre fëmijë.
