Përpara se të hidhnin bombën e parë bërthamore, forcat ajrore amerikane hodhën nga ajri pamflete mbi Hiroshima, për të paralajmëruar banorët. 12 pilula me helmin cianid, ndodheshin në kabinën e avionin “Enola Gay” që transportonte bombën. Nëse misioni dështonte, të 12 personat në bord do të kryenin vetëvrasje, për të mos u kapur robër nga japonezët.
Më 6 gusht 1945, radarët japonezë pikasën avionët që u angazhuan në këtë mision. Por vendosën të mos i ndjekin, pasi numri i vogël i tyre, nuk u konsiderua kërcënues.
Qeverisë japoneze në Tokio, iu desh rreth 3 orë të kuptonte që Hiroshima ishte bombarduar.
Sipas të dhënave zyrtare, shpërthimi shkaktoi rreth 140.000 të vdekur vetëm në Hiroshima.
Japonezi Tsutomu Jamaguçi, mund të cilësohet njëherazi njeriu më fatkeq dhe fatlum në histori. Ai i mbijetoi shpërthimit bërthamor në Hiroshima. I plagosur, u transferua në Nagasaki, ku 3 ditë më vonë u hodh bomba e dytë. Mbijetoi sërish.
Pemët Gingko Biloba, ishin ndër objektet e vetme që i mbijetuan shpërthimit. Kjo lloj peme, ekziston në Tokë prej 270 milionë vjetësh, dhe vuan rrallë nga ndonjë sëmundje.
Edhe pas sulmit në Hiroshima, ushtria ushtria japoneze planifikoi që çdo burrë, grua dhe fëmijë të luftonte deri në vdekje Amerikën.
Në fillim SHBA-ja e mohoi se bomba bërthamore, shkaktonte një lloj radioaktiviteti të zgjatur në kohë. Ajo e cilësoi këtë pretendim, si një propagandë të japonezëve. (TTnews) /l.m
