Diplomatët iranianë, me funksione, në Arabinë Saudite u larguan sot pasi Riadi ndërpreu marrëdhëniet diplomatike me Teheranin pas sulmeve kundër përfaqësuesve diplomatikë sauditë në Iran, njoftoi agjencia zyrtare saudite e lajmeve, SPA.
“Personeli i ambasadës së Iranit në Riad dhe i konsullatës së Xhedahut (perëndim) janë kthyer në vendin e tyre me një avion privat iranian”, theksoi agjencia saudite SPA.
“Arabia Saudite vendosi të ndërpresë marrëdhëniet diplomatike me Iranin dhe u jep 48 orë kohë anëtarëve të përfaqësisë diplomatike iraniane për t’u larguar nga vendi”, deklaroi më 4 janar shefi i diplomacisë saudite Adel Al-Jubeir.
“Sulmet kundër përfaqësuesve sauditë përbëjnë një shkelje flagrante të konventave ndërkombëtare”, shtoi Al-Jubeir duke e akuzuar Teheranin se nuk kishte bashkëpunuar pavarësisht kërkesave saudite për forcimin e sigurisë në ambasadën e Riadit në Teheran.
