Sot është dita e dytë e Konferencës së Ambasadorëve “Diplo 2025“, me temë “Shqipëria 2030, e ndërlidhur me botën”. Zëvendëskryeministrja Belinda Balluku, njëherësh ministre e Energjisë dhe e Infrastrukturës ka marrë fjalën.
“Nuk mund të mbetet diplomacia ekonomike si dëshirë apo vullnet i ndonjë ambasadori apo aftësi karakteriale. Diplomacia ekonomike duhet të qëndrojë në bazë si një nxitje e vazhdueshme sepse sot kemi mundësinë për të promovuar një produkt të jashtëzakonshëm siç është Shqipëria e konekivitetit e kulinarisë, Shqipëria e turizmit që jam e sigurt që kudo shkoni dhe uleni ju flasin ndryshe nga sa flisnim më parë.”, tha Balluku.
Diskutimi i sotëm është i organizuar në tre panele, ku do të diskutohet për prioritetet ekonomike dhe projektet kyçe dhe pozicionimin e vendit në rrjetin global të tregtisë.
