Dioqeza e Rashkës – Kisha Ortodokse serbe e Prizrenit ka dhënë një komunikatë për media në lidhje me vendimin e Gjykatës Kushtetuese të Kosovës për çështjen mes Komunës së Deçanit dhe Manastirit të Deçanit.
Ata shprehin kënaqësi për këtë vendim të Gjykatës Kushtetuese, i cili sipas tyre është arritur në bazë të fakteve konkrete, transmeton Koha.net.
“Dioqeza e Rashkës-Prizrenit të Kishës Ortodokse Serbe shpreh kënaqësinë e saj mbi padinë e finalizuar dhe vendimin e institucionit më të lartë gjyqësor i cili është arritur në bazë të fakteve konkrete.
Gjykata Kushtetuese provuar kompetencën e saj dhe gatishmërinë për të bërë një gjykim të paanshëm i cili e ka mbrojtur në mënyrë të përhershme të drejtat pronësore të Manastirit mbi tokën e tij”, thuhet në komunikatën e kësaj dioqeze.
Vendimi, sipas kësaj komunikate, ka rëndësi të veçantë për qëndrueshmërinë e Manastirit të Deçanit, vend i Trashëgimisë Kulturore Botërore të UNESCO-s.
Prona për të cilën bëhet fjalë është 24 hektarë. Për këtë vendim ka reaguar kryetari i Komunës së Deçanit, Rasim Selmanaj dhe për Koha.net ka folur i pari i Historianëve të Deçanit, Selim Lokaj. (b.an)
