Dinamo e Tiranës është në mesin e ekipeve që mbajnë rekord të fitoreve të njëpasnjëshme dhe për këtë UEFA ka përgatitur një artikull të veçantë. Dinamo mban rekord në Europë për 25 fitore të njëpasnjëshme dhe këtë nuk e ka bërë asnjë ekip tjetër shqiptar deri më tani.
Seria e “nxehtë” e fitoreve nisi në vitin 1951 dhe mbaroi një vit më vonë. Dinamo që nga formimi i saj në vitin 1950 e deri në vitin 1953 fitoi katër tituj rresht, por e veçanta e këtij klubi është seria prej 25 fitoreve të njëpasnjëshme, transmeton Koha.net. Kjo seri filloi kundër ekipit Puna më 18 prill të vitit 1951, java e 17 e sezonit dhe përfundoi më 1 qershor të vitit ndaj po të njëjtit kundërshtar. Me 18 tituj të ligës, Dinamo është ekipi i dytë më i suksesshëm në Shqipëri, por ka mbetur në ligën e dytë që prej sezonit 2011/12 kur ranë një rang më poshtë.
Rekordin me më së shumti fitore të njëpasnjëshme në Europë e mban Benfica me 29 fitore (1971/73). Pas saj renditet Dinamo e Zagrebit me 28 fitore (2006/07) dhe Celticu me 25 fitore (2003/04). Malmo mban rekord me 23 fitore në vitin 1949-50, PSV-ja me 22 fitore gjatë sezonit 1987-88. Ekipet tjera me më pak fitore janë më poshtë:
19 – Crvena zvezda 2015*
19 – Bayern München 2013–14
18 – FH 2004–05
17 – Olympiacos 2005–06, 2015–16*
17 – Steaua Bucureşti 1988
17 – Dinamo Bucureşti 1988
17 – Internazionale Milano 2006–07
16 – Valur Reykjavík 1978
16 – Barcelona 2010–11
15 – Benfica 1963
15 – Real Madrid 1960–61
15 – Sparta Praha 1999–2000
15 – Bangor City 2010
