Më shumë se 200 femra kanë treguar për Business Insider se mendojnë se janë sëmurë për shkak të implanteve në gjoks.
Media ndërkombëtare shkruan se deri më tani kjo quhet sëmundja e implanteve në gjoks, megjithatë nuk njihet zyrtarisht ose diagnostikohet nga komuniteti mjekësor. Por ka hapur debat të gjerë mes doktorëve dhe pacientëve gatë tre dekadave të fundit.
Ndërkohë që një pjesë e kirurgëve plastikë e praktikojnë vendosjen e implanteve në gjoks, një pjesë tjetër e mjekëve punojnë për t’i hequr ato. Business Insider shkruan se një doktor i tillë është David Rankin, i cili ka rezervuar të gjitha operacionet deri në 2021-shin për heqjen e implanteve.
Por siç u theksua më lart, kjo çështje ka krijuar një debat të madh mes ekspertëve të fushës.
Debbie Andrews ka treguar për Business Insider se në momentin që ka hequr implantet ka filluar të marrë frymë normalisht. Problemet me frymëmarrjen, dhimbjet në gjoks dhe kraharor ajo tregoi se i ka pasur për më shumë se dy dekada që kur ka bërë ndërhyrjen.
Por pas heqjes së implanteve ajo ka treguar se ka filluar të jetojë normalisht. Ajo është vetëm një prej miliona femrave që vuajnë nga kjo gjendje, që tashmë kërkojnë vetëm një gjë:Të heqin implantet.
/a.r
