Vazhdon me 789 tituj të tjerë pronësie procesi i përmbylljes së hipotekimit të shtëpive të trashëguara. Kreu i qeverisë, Edi Rama nga Dhërmiu deklaroi se ky kalvar i gjatë për të regjistruar shtëpitë e trashëguara ka përfunduar dhe tani është vetëm çështje regjistrimi.
Rama: “Nuk është bërë e gjithë baza e punës që më e fund e kemi që prona e secilit të vendoset në vendin e vet. Ajo që ka rëndësi për ju është që ky kalvari i gjatë për të regjistruar shtëpitë e trashëguara, ka përfunduar dhe tani është vetëm çështje dorëzimi certifikatash. Në Vlorë rreth 4 mijë e 2 apo 300 me këto te sotmet që një pjesë do e shpërndajmë këtu dhe këtë e bëjmë për të sensibilizuar edhe të tjerët.
Një pjesë jo e vogël janë jashtë dhe procesin e kanë të vështirë ta bëjnë. Arritëm të përmbyllim 1/3 e punës, pjesa e tjetër 2500 certifikata të tjera në bashkinë e Himarës, do ta përmbyllim deri në fund të tetorit. Njerëzit duhet ta aplikojnë, për shumë prej jush është bërë dhe asistencë.
I bëj thirrje të gjithëve dhe ju jutem, edhe juve, kushdo që të regjistrohet të bëjë aplikimin.
Kjo është një punë e madhe nga pikëpamja e evolimit, do kishte qenë shumë më mirë të ishte bërë më përpara. Ato arsye që thashë, e njëjta gjë vlen për banorët e Himarës, Thethit dhe një sërë zonash të tjera që kanë këtë problem. Sot të blesh një metër katror në këtë zonë është më shtrenjtë se në Korfuz. Dikur ishte Himara si Bathore, është rritur numri i turistëve, 10 mln u arrit vjet, këtë vit mund të shkojë 13 dhe kjo nuk ndodh rastësisht.”
Rama tha se personave të cilëve u del certifikata do të njoftohen me telefon nga zyra e Kadastrës.
/a.r
