Një godinë është përfshirë nga flakët para pak minutash në Lagjen Nr 9, Rruga 1 maji në qytetin e Korçës. Nga informacionet e deritanishme nuk ka të lënduar pasi godina nuk ka pasur njerëz në brendësi.
Zjarrfikësit janë në vendngjarje teksa flakët kanë përfshirë godinën. Zjarrfikësit kanë bërë të mundur kontrollin e flakëve. Godina është një rrobaqepësi e cila është ende funksionale. Dyshohet se shkak i zjarrit mund të jetë kabulli elektrik më tarracë, ndërkohë rrezikohet një kabine elektrike pranë godinës.
“Më datë 23.09.2022, rreth orës 16:50, në lagjen nr. 9, Korçë, rruga “1 Maji”, ka rënë zjarr në tarracën e një godine (rrobaqepësie). Për pasojë ka vetëm dëme materiale, nuk ka njerëz të lënduar. Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit, ku paraprakisht dyshohet se mund të ketë rënë aksidentalisht si pasojë e një mase në rrjetin elektrik”, ka njoftuar policia.
/e.d
