Një banesë në fshatin Mbrostar të rrethit të Fierit është përfshirë nga flakët në orët e para të ditës së premte.
Flakët kanë shkrumbuar orenditë shtëpiake dhe gjithë pajisjet e tjera të ndodhura në ndërtesë, fatmirësisht pa shkaktuar dëmtime në njerëz.
Ndërhyrja e zjarrfikëses ka bërë të mundur ndalimin e përhapjes së flakëve në banesat e tjera aty pranë.
Mësohet se ndërtesa u përket dy vëllezërve Kadri dhe Sokol Lipe, të cilët kërkojnë ndihmën e shtetit, pasi flakët i kanë lënë në qiell të hapur.
