Një makinë e cila ishte parkuar nga i zoti para pallatit, është përfshirë nga zjarri.
Ngjarja ka ndodhur rreth orës 04:27 duke u gdhirë dita e sotme, në lagjen Nr.18, në Durrës, ku ka rënë zjarr në automjetin me targa AA 077 FC, në pronësi të shtetasit A.S..
Për shuarjen e flakëve u bë e nevojshme ndërhyrja e zjarrfikësve, të cilët vunë situatën nën kontroll. Në vendin e ngjarjes shkuan efektivët e policisë të cilët vijojnë të punojnë për zbulimin e shkaqeve të rënies së zjarrit dhe zbardhjen e plotë të ngjarjes.
Nuk dihet ende nëse ngjarja ka qenë për shkak të ndonjë defekti, apo bëhet fjalë për zjarrvënie të qëllimshme.noa.al/a.k
