Një parking makinash është përfshirë nga flakët mbrëmjen e sotme te rruga ” Ymer Kurti”, njësia Nr. 5. Mësohet se nga flakët e zjarrit janë përfshirë tre automjete. Nga raportimet e para bëhet me dije se një person ka mbetur i lënduar për shkak të asfiksisë e ndërsa bëhet fjalë vetëm për dëme materiale.
Nuk dihen ende shkaqet se përse ka rënë zjarri, ndërkohë mësohet se një nga automjetet e përfshira nga flakët e zjarrit është edhe mjeti i kantautorit Flor Mumajesi pasi aty pranë, këngëtari ka zyrat e tij. Parkingu nëntokësor i përket një qendre biznesi në kryeqytet, ku përveç zyrës se këngëtarit janë disa call center, zyra financash, zyra mediash mjetet e të cilëve parkohen aty.
Dyshimet paraprake janë se zjarrëvënia është e qëllimshme dhe “shenjestra” ka qenë pikërisht makina e Mumajesit, por ende nuk bëhet zyrtare. Gjithashtu burime për Report Tv bëjnë me dije dhe makinat e tjera që janë përfshirë nga flakët janë të personazheve publike. Aktualisht flakët janë vënë në kontroll nga zjarrëfikësja. Policia ka mbërritur në vendngjarje e po heton shkaqet e zjarrit./shqiptarja/
