Një automjet është djegur në orët e para të mëngjesit të sotëm në Pogradec. Ngjarja ka ndodhur në fshatin Starovë, rreth orës 02:00, ndërsa mjeti tip “Benz”, i përkiste shtetases me inicialet V.S.
Veç këtij automjeti janë djegur pjesërisht edhe tre automjete të tjera, ndërsa mjetet ishin të parkuara brenda një karburanti.
Për momentin nuk dihet se çfarë e ka shkaktuar djegien e automjetit, ndërsa policia po punon për zbardhjen e plotë të ngjarjes.
Njoftimi i plotë i policisë:
Pogradec
Informacion paraprak.
Më datë 14.04.2019, rreth orës 02:00, jemi njoftuar se në afërsi të fshatit Starovë, është djegur plotësisht 1 mjet tip “Benz” pronë e shtetases V.S, si edhe janë djegur pjesërisht 3 mjete të tjera, të cilat kanë qenë të parkuara brenda një karburanti.
Grupi hetimor po punon për të zbardhur rrethanat e ngjarjes dhe për të përcaktuar shkaqet e rënies së zjarrit.
g.kosovari
