Ministri i Jashtëm Ditmir Bushati, në një intervistë për News 24 ka folur edhe rreth zërave skeptik brenda vendeve të BE që mund të bëhen pengesë për negociatat.
I pyetur nëse do të ‘digjemi’ nga Gjermania, Bushati tha se javën tjetër bashkë me Ramën do takojnë Merkel.
Deklaratat e deputetit gjerman si i komentoni?
Është normale që për sistemet e demokracive liberale deputetë të ndryshëm të kenë qasje të ndryshme.
Keni nisur konsultimet me homologët tuaj, pasi tashmë Shqipëria do ndezë motorët për rrugën e integrimit?
Shqipëria ka kohë që i ka ndezur motorët. Javës tjetër ne do jemi në Gjermani dhe në axhende kemi takim edhe me Merkel. E njëjta gjë do bëhet edhe me Francën.
Mund të digjemi nëse Gjermania nuk fut në axhendë Shqipërinë?
Ne na takon të mbajmë ritmin e reformave. Qeveria gjermane kërkon mbështetje për një vendimmarrje nga budestagu gjerman.
a.ç
