Këngëtarja e njohur, Jonida Maliqi, është përballur me dyert e spitalit pasi ka përdorur dietën proteinike Dukan.
Përmes instagramit, Jonida ka shprehur shqetësimin që ka hasur me këmbën e saj si dhe ka dhënë një mesazh lidhur me të gjitha femrat që kërkojnë të jenë sa më në formë për veten dhe për të tjerët.
Asaj iu desh të shkonte në spital pasi dhimbjet nuk kishin të ndalur. Raporti i saj me dietat ka nisur 8 vite më parë kur ajo është bërë edhe mami për herë të parë.
‘Vetëm për faktin që të jesh gjithmonë në formë, të dukesh bukur para të tjerëve, para komplekseve që deri diku më janë indoktrinuar që në moshë fare të vogël, kur unë kam qënë paksa në peshë’, shprehet ajo, duke nënkuptuar kështu edhe kompleksin që femra ka për ta pranuar veten ashtu siç është.
Këngëtarja përmes të tjerash tregon edhe sakrificën që kërkon statusi i të qënurit personazh publik.
‘Dhe mesa duket për të qënë ai personi që duhet të jesh gjithmonë e kuruar sepse del në skenë, duhet të jesh në një peshë perfekte, sepse njerëzit paragjykojnë, analizojnë gjithcka tënden sidomos në paraqitjen tënde të jashtme’, shkruan ndër të tjera Jonida.
