Të gjithë ekspertët e shëndetit e quajnë të ndaluar ndjekjen e dietave të cilat ndalojnë ushqimin për disa orë ose për një ditë, por një studim i fundit i ka lënë të gjithë pa fjalë. Një grup shkencëtarësh nga Universiteti i Kalifornisë kanë bërë një studim dhe kanë dalë në përfundimin se mosushqyerja për 3 ditë rresht aktivizon prodhimin e rruazave të bardha të gjakut që janë trupat mbrojtës të organizmit tonë në luftën ndaj sëmundjeve apo infeksioneve të ndryshme.
Shkencëtarët theksojnë se ky fakt është i vlefshëm sidomos për njerëzit me sistem imunitar të dobët siç janë pacientët që janë nën efektin e kimioterapisë. “Kjo “bllokadë ushqimi” u jep urdhër qelizave staminale të cilat kanë për detyrë të prodhojnë rruaza të bardha gjaku, të nisin prodhimin me shumicë të këtyre antitrupave.
Në këtë mënyrë bëhet rigjenerimi i sistemit imunitar. Në këtë kohë vetë oganizmi bën nxjerrjen jashtë sistemit imunitar të pjesëve të tij të dëmtuara pra një vetë kontroll dhe vetë rigjenerim”, shprehet Valter Longo njëri prej studiuesve, shkruan Shije.
Grupi i shkencëtarëve këshillojnë që greva e urisë për rigjenerimin sistemit imunitar të mbahet nga dy deri në katër ditë çdo gjashtë muaj.
Ajo që duhet bërë kujdes është fakti se para ndërmarrjes së çdo diete me qëllim ndalimin e ushqimit duhet të këshilloheni me mjekët specialistë, pasi këto studime janë thjesht tregues i përparimit të shkencës dhe nuk duhet të testohen nëse ju nuk merrni rekomandimin e mjekut tuaj./a.k
