Diego Costa është quajtur mashtrues edhe nga bashkëlojtari i tij, Kurt Zouma, i cili është shprehur se kjo nuk do të thotë se nuk janë krenarë me të.
Sulmuesi spanjoll është kritikuar ashpër për konfrontimin e tij të fundit me mbrojtësin e Arsenalit, Gabriel, me ç’rast ky i fundit është ndëshkuar me karton të kuq në ndeshjen e fundit Chelsea-Arsenal.
I pyetur nga beIN Sport se a është i shokuar me sjelljen e Diego Costas në ndeshjen kundër Arsenalit, Zouma ka thënë: “Jo, nuk jemi të shokuar sepse e ne e njohim Diegon. Ky djalë ka dëshirë të mashtrojë shumë dhe ta bëjë nervoz kundërshtarin. Kjo ndodhi në ndeshjen kundër Arsenalit, por, ne jemi krenar me të”.
