Gjermania ka pritur që prej fillimit të vitit më shumë se 300 000 azilkërkues, theksoi sot e përditshmja gjermane ”Die Welt”, ndërkohë që Berlini po përgatitet t’i bëjë ballë një fluksi tjetër rekord të refugjatëve në 2015.
Sipas të përditshmes konservatore, që citon raportin e një takimi të mbajtur dje mes ministrave të Brendshëm të 16 landeve (shtete rajonale) gjermane, 302 415 azilkërkues janë regjistruar tashmë këtë vit nga këto lande. Kjë shifër është më e lartë se ajo e njoftuar.
