Pas akuzave të Partisë Demokratike se kreu i Tatimeve Dibër përmes zyrtarit Artan Isaku, ka shantazhuar banorët e Dibrës në këmbim të votës, ka reaguar menjëherë Dionis Ymeri, Drejtori i Tatimeve për Dibrën.
Ymeri përmes një postimi në Facebook ka shkruar se kjo është thjesht shpifja e radhës e Partisë Demokratike, pasi Artan Isaku nuk është punonjës i Drejtorisë Rajonale të Tatimve në Dibër dhe se ai personalisht nuk ka asnjë njohje me të.
Sipas Ymerit kjo vërteton se Partia Demokratike dëshiron vetëm të përbaltë procesin zgjedhor dhe të lëshojë akuza të pavërteta në përpjekjen për të prishur procesin.
Statusi i plotë i kreut të Tatimeve në Facebook:
Sapo u vura në dijeni të deklaratës së bërë publike nga Partia Demokratike. Kjo është thjesht shpifja e rradhës që bëhet ndaj personit tim. Shtetasi Artan Isaku nuk është punonjës i Drejtorisë Rajonale të Tatimeve në Dibër dhe unë personalisht nuk kam asnjë njohje me të. Kjo vërteton se Partia Demokratike dëshiron vetëm të përbaltë procesin zgjedhor dhe të lëshojë akuza të pavërteta në përpjekjen për të prishur procesin. I bëj thirrje Partisë Demokratike që të heqë dorë nga përdorimi i emrit tim ndërsa unë do të ndjek rrugën ligjore për të gjitha shpifjet që janë bërë ndaj meje prej këtij subjekti politik.
Shqiptarja.com/d.i.
