Një tjetër apel për ndihmë vjen nga Dibra.
“BalkanWeb” bëri me dije se 14 familje janë të izoluara nga dëbora në Zall Dardhë të Dibrës. Ndërkohë që një 50-vjeçar ka nevojë për ndihmë mjekësore.
Bëhet fjalë për 50-vjeçarin Islam Hoxha, i cili sipas familjarëve ndodhet në gjendje të rëndë shëndetësore.
Kanë qenë pikërisht të afërmit e tij që kanë vënë alarmin dhe kanë kërkuar ndërhyrje nga ajri për të marrë 50-vjeçarin.
