Komisioneri i BE për Zgjerim në Bashkimin Evropian Johannes Hahn, ka startuar sot vizitën dyditore në Tiranë. Axhenda e tij e takimeve nisi me takimin eme kreun e shtetit Bujar Nishani për të vijuar më pas takimin me kreun e opozitësLulzim Basha në selinë e PD.. Kët takime i paraprinë tryezës së Nivelit të Lartë BE-Shqipëri.
Në takim diskutimi theksi është vënë tek Reforma në Drejtësi. Kryeministri Rama tha se qeveria që ai drejton është e vendosur për të ecur përpara me procesin duke theksuar edhe faktin se ky është një objektiv i përbashkët me opozitën.
“Reforma në drejtësi është kyç për përmbushjen e prioriteteve”, tha kreu i Qeverisë.
Ndërkaq, hahn në fjalën e tij tha se duhet të jemi optimistë për procesin dhe ecurinë e deritanishme, por nënvizoi se ka ende shumë punë për të bërë.
Në vijim të axhendës Johanes Hahn do të pritet në takime të veçanta dhe nga kryeparlamentari Ilir Meta dhe kryetari i komisionit për Reformën në Drejtësi, Fatmir Xhafaj.
Komisioneri do të marrë pjesë gjithashtu dhe në takimin e ministrave të Jashtëm të vendeve të rajonit që do të mbahet pasditen e sotme në Durrës.
