Ministri Bushati është thirrur sot në seancë dëgjimore për bisedimet me Greqinë pas takimeve në Kretë dhe në Korçë për çështjet e vjetra midis dy paleve. Bushati u shpreh se në tryezë me Greqinë nuk jemi ulur si inferior, ndërsa është diskutuar për të gjitha çështjet. Ai ka deklaruar se “Çdo shtetas me origjinë çame do të gëzoj pronat në Greqi”.
Lidhur me varrezat greke Bushati tha se nuk duhet të politizohet me këtë çështje dhe bisedimet me Greqinë për çështjet e mbetura pezull kanë nisur që në vitin 2013. Ministri u shpreh se çështja e gërmimit për gjetjen e varrezave greke është sipas pikëpamjes ligjore.
“Nëse nuk ka interes ndërpresim seancën, pasi po bëhet kakofoni me këtë dëgjesë. Ka paqartësi për bisedimet me Greqinë. Në bisedimet me Greqinë është ulur me vullnetin e mirë për të gjetur një zgjidhje. Bisedimet nuk kanë filluar dhe nuk kanë mbaruar në Korçë dhe dua të them që të mos politizohet me ketë çështje. Ky proces ka nisur që në fund të vitit 2013. Statusi i varrezave po bëhet sipas pikëpamjes ligjore”- tha Bushati.
Debati te Komisioni i Jashtëm
Shehu: Jemi kundër rendit të ditës së kësaj mbledhjeje. Ministri për votën në OKB të ishte konsultuar para se te votohej. Vota në OKB për shpalljen e Jerusalemit kryeqytet i Izraelit të ishte diskutuar në parlamentar dhe komision para se të votohej.
Hysi: Nuk shoh shkelje të procedurës, ku keni kërkuar seancë dëgjimore me ministrin.
Gjosha: Kanë kaluar mbi tre muaj për takimin për negociatat me Greqinë dhe nuk kemi marrë përgjigje. Pak më shumë respekt për komisionin dhe një përgjigje duhet ta kishit para se të kalonin tre muaj.
Paloka: Sot ne nuk kemi nevojë të dëgjojmë ministrin. Është votuar në OKB kundër SHBA. Cfarë do të diskutojmë sot. Nuk duam më të diskutojmë më cështjen. Të vijmë ne tani dhe të bëjmë shoë nuk shkon. Nuk bëhemi fasadë.
Kodheli: Kërkesën e kam bërë unë për seancën dëgjimore. mendoj që bisedimet e Bushatit me Kotzias kanë qenë vetëm një proces. Nëse jeni dakord të dëgjojmë ministrin vetëm për bisedimet me Greqinë.
Bushati: Nëse nuk keni interes të dëgjoni, nuk është ndonjë hall i madh për mua. Tryeza me Greqinë, nuk jemi ulur si inferior. Jemi ulur në tryezë për të folur për të gjitha cështjet e hapura
Bushati për cështjen çame: Çdo shtetas që ka origjinë çame të gëzojë pronat
Marrëveshja e detit, Bushati: Përsa i përket marrëveshjes së detit nuk kemi asnjë indicie që Dora Bakojanis i ka vënë revolverin në ballë Lulzim Bashës për të firmosur këtë marrëveshje. Nuk kemi indicie që ka ndërhyrje nga qarqe të tjera për të firmosur këtë marrëveshje. Nuk duhet të humbim shumë kohë për një gjë elementare. Aplikimi i vendimit të Kushtetueses ka fuqi për cdo lloj funksioni apo institucioni. Trashëgimia në këtë cështje është me doza trashanike, nivel mizerabël në përfaqësimin e cështjes kombëtare dhe një lloj inferioriteti.
Pronat dhe ligji i luftës, Bushati: Marrëveshja e firmosur nga Berisha në 2009 është kuturu. Mashtroni kur flisni për tregti eshtrash. Komisioni për çështjet e pronave është mbledhur vetëm njëherë që nga 1996. Nuk ka funksionuar traktati me Greqinë. Ligji i luftës ekziston, për t’u hequr kërkon procedura të brendshme në Greqi, pasi Shqipëria me Greqinë nuk e ka, është e kundërta. Ka një angazhim konkret për ta hequr. Bëhet fjalë për tre kategori, pronat e shqiptarëve, të minoritarëve grekë me shtetësi shqiptare dhe për pronat e shtetit shqiptar. Janë regjime të ndryshme dhe për të bërë shfuqizimin.
