• Kontakt
  • Kreu
  • Rreth Nesh
Wednesday, November 11, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Editorial

Dialog me lugë në brez

by S M
06/03/2019 00:23
Shperndaj ne FacebookShperndaj ne Twitter

Nga Skënder Minxhozi/

E ftoi për dialog Edi Rama, i tha “Jo”! E ftoi për tryezë bisedimesh presidenti Meta, edhe atij i tha “Jo”! Duket se Lulzim Bashën është vështirë ta joshësh këto kohë. Edhe pse ka lënë vullnetarisht mandatin, për t’u bërë “një si të tjerët”, ai vijon të insistojë se dalja në rrugë do ta sjellë më shpejt në pushtet, sesa po të qëndronte brenda sistemit. Një vizion i çuditshëm që shpërfill logjikën, llogaritjet politike dhe riskun e lartë për karrierën e tij dhe fatet e forcës politike që drejton.
Kriza aktuale është unike në dinamikën që ka krijuar, por edhe në vakumin që ka mbërthyer institucionin më të rëndësishëm të shtetit – parlamentin. Megjithatë, sado e veçantë në llojin e vet, edhe kjo situatë surreale do të zgjidhet, kur t’i vijë dita, me uljen e palëve në tryezë. Asnjë krizë politike e 28 vjetëve të fundit nuk është zgjidhur me resurset dhe vullnetin e klasës tonë politike. Na është dashur “paterica” Vranicki, “ndërmjetësi” Prodi, gjermani me mbiemër irlandez McAlister e të tjerë si ata, në mënyrë që të gjendej një modalitet për ta rivënë në lëvizje makinën e bllokuar shqiptare. Edhe kjo gjendje thuajse natyrore ku kanë zbritur instiktet politike në këto orë, do të normalizohet gradualisht kur palët ta kenë kuptuar se nuk ka dritë në fundin e tunelit dhe se interesat e tyre politike kanë nevojë për bashkëpunimin, si e vetmja metodë e mundshme për të dalë nga çarku i mandateve të djegura.

Dhe ja ku kthehemi në rreshtat hapëse të këtij artikulli. Dialog, negociatë apo çfarë dreqin do të jetë ajo që do të kthejë në sistemin e institucioneve opozitën dhe do të ulë qëndrimin maksimalist të Ramës për “konsumimin e plotë të mandatit qeverisës”. Deri tani kemi dy llogore të heshtura: njëra që pretendon largimin e kryeministrit dhe afrimin e zgjedhjeve të përgjithshme, tjetra që ndjehet e rehatshme me deklaratat e ashpra të ndërkombëtarëve ndaj Bashës e Kryemadhit.

Në sfond të këtij qëndrimi mur me mur qëndron siguria e secilës palë, se mund ta mundë kundërshtarin në lojën e durimit. Pikërisht si në lojën e famshme të shikimit sy në sy, ku humbet ai që ul sytë i pari.

Që dikush do të ulë sytë në një moment të caktuar, kjo as që diskutohet. Në vitin 2017, kur pas 100 ditësh zgjedhjet u afruan dhe Çadra u boshatis, ishte Lulzim Basha ai që hodhi hapin e gabuar. Të cilin e pagoi shtrenjtë, aq sa sot duket se refuzon apriorì çdo ftesë për dialog. Ka marrë tmerr nga ajo pasdite e 16 majit, kur Rama i dha gjysmën e qeverisë dhe i mori zgjedhjet.

E megjithatë do të duhet folur, me ose pa dëshirë. Sepse po nuk fole, përveç mandatit, të heqin dhe vizën si politikan. E këtu loja e fiksimit sy në sy rikthehet prapë në skenë. Çfarë do të negociohet? Cila do të jetë axhenda e bisedimeve?

Nëse sheh kryeministrin, mund të konstatosh se Edi Rama po i qaset krizës më të re politike në vend me taktikën e njohur të mënjanimit të goditjes, shmangies së përplasjes ballore dhe gjuhës së njohur diku qesëndisëse, diku sfiduese, e diku tjetër bashkëpunuese. Ka sigurinë e atij që është në pushtet dhe që për pasojë heq vallen.

Përballë tij Lulzim Basha është i gjithi një grumbull zemërate dhe emocionesh, të cilat formulohen në listën e shkurtër të kërkesave të tij: ikja e Ramës, formimi i një qeverie ekspertësh dhe vajtja në zgjedhje para vitit 2021. Kjo listë tregon se opozita, duke hedhur mandatet nga dritarja, faktikisht i ka hequr vetes qëllimisht mundësinë për të ofruar diçka më shumë se kërkesat e mësipërme, në tryezën me qeverinë.

Në këto kushte, me një palë që s’ka ç’të ofrojë, pasi “kjo tani u bë, ne s’kthehemi pas në Kuvend”, Edi Rama me shumë gjasë do të luajë edhe lojën e ngurtësimit në pozitat e veta dhe do të fitojë kohë. Një gjetje kompromisi në këto kushte do të jetë e vështirë dhe jo e shpejtë. Rama duket se po kërkon ta tërheqë krizën në terrenin e stinës së ngrohtë, atëhere kur depresioni i njohur dimëror i shqiptarëve merr fund dhe kur plazhi e pushimet rrezatojnë dëshirën për t’i ikur sherreve politike dhe gërr-mërrit të protestave.

Opozita sot s’mund të ofrojë asgjë, veç kërkesave të saj. Por afërmendsh, kur ulesh për të gjetur një kompromis, duhet të ofrosh, që të mund të marrësh më pas. Rama mund të ofrojë shumëçka në tryezën e dialogut që po propozon këto orë. Po Basha çfarë mundet të japë, përveç kërcënimeve, të cilat këto vite me thënë të drejtën janë bërë ca bajate dhe false?! Kjo është një pyetje bazë në dialogun që pritet të nisë dikur.

Zgjidhja e kësaj krize parashihet e gjatë dhe e vështirë, pasi e tillë është situata unike që ka krijuar dalja en bloc e opozitës nga Kuvendi. Kur lëshimet kërkohen vetëm nga njëra palë, ndërsa pala tjetër vjen me lugë ne brez dhe s’ka asgjë për të ofruar, por njëkohësisht kërkon gjithçka, kompromisi bëhet një gjë e vështirë.

Next Post
Rama në “Rai Uno”: Ajo që shihni në Shqipëri nuk është revoltë e popullit

Rama ironizon me Bashën në studion e RAI: Do Juventusin pa Ronaldon!

Comments 1

  1. kRIST says:
    8 years ago

    Duket se Lulzim Bashen,eshte veshtire ta joshesh keto kohe.Sa qarte e ke thene more Skender,dhe kjo fjali do mbetet legjendare,sepse eklipson krejt permbajtjen e shkrimeve tuaja.Kjo shprehje,ne fakt eshte “lajt-motivi i teorise socialiste rilindase,.Cdo veprim,perpjekje,qofte edhe lufte politike,por ama sidomos neper fushata elektorale,kjo teori,pra teoria rilindese e JOSHJES,prevalon,mbi cdo teori dhe praktike ,ne Shqiperine e rilindjes (sepse ta dish Skender,qe sot kemi dy Shqiperi:njera eshte ajo qe njeh i gjithe populli dhe e desheron,ndersa tjetra eshte ajo e rilindjes,qe e duen vetem shoket e tu.E para shprehje e qarte e thene me shpirt,qe lexoj,prej teje,qe permbledh gjithe diskurin (sic e thote shpesh agjenti serb Baton-udhe-rrefyesi juaj-i rirlindesave),tuaj neper televizione.

    Reply

Leave a Reply Cancel reply

Your email address will not be published. Required fields are marked *

TË FUNDIT

“Do ndërveprojë me institucionet”- Ligjërohet “Pasqyrë Albania”: Platformë kombëtare për transparencën dhe komunikimin me qytetarët!

“Do ndërveprojë me institucionet”- Ligjërohet “Pasqyrë Albania”: Platformë kombëtare për transparencën dhe komunikimin me qytetarët!

November 11, 2026
Debatet/ “Ekonomia” miraton projekt-buxhetin në parim në pak minuta! Braçe-Leskajt: Punë kartoni e ke! Deputeti i PD: Kështu e keni bërë dhe Kuvendin

Debatet/ “Ekonomia” miraton projekt-buxhetin në parim në pak minuta! Braçe-Leskajt: Punë kartoni e ke! Deputeti i PD: Kështu e keni bërë dhe Kuvendin

November 11, 2026
Buxheti i Gardës shkon në 2,84 mld lekë, 28 punonjës lanë detyrën! Debatet në Komisionin e Mbrojtjes: Trupë elitare, por s’përballojnë dot jetesën

Buxheti i Gardës shkon në 2,84 mld lekë, 28 punonjës lanë detyrën! Debatet në Komisionin e Mbrojtjes: Trupë elitare, por s’përballojnë dot jetesën

November 11, 2026
Sot seanca plenare, studentët zhvendosin protestën para Parlamentit, vendosen barrierat metalike para godinës

Edhe Kuvendi kërkon më shumë para, i duhen edhe 416 mln lekë shtesë! Nga AI, te librat me ligjet e BE-së për deputetët

November 11, 2026
Zgjedhjet në 5 bashki, KQZ njofton hapat për plotësimin e fletës së votimit

Votimi dhe numërimi elektronik nuk ndryshon në 9 maj! Celibashi: Mungon vullneti politik nga opozita

November 11, 2026
Pushimet në Shqipëri u kthyen në makth, çifti kanadez përfundon me 23 kg kanabis në valixhe: Na e ndërruan bagazhin

Pushimet në Shqipëri u kthyen në makth, çifti kanadez përfundon me 23 kg kanabis në valixhe: Na e ndërruan bagazhin

November 11, 2026
Rama: Nëse SPAK dështon të jetë i pavarur, do ishte edhe dështimi ynë! O me demokracinë, o me kënetën…

Veliaj kërkon komision hetimor për Ramën: Më kërcënoi përmes Gogut, jam gati të përballem me ministrin

November 11, 2026
Stuhia “Charles” do përfshijë edhe Shqipërinë! Erë e fortë dhe rrebeshe shiu të enjten e të premten. Më i prekur Veriu

Stuhia “Charles” do përfshijë edhe Shqipërinë! Erë e fortë dhe rrebeshe shiu të enjten e të premten. Më i prekur Veriu

November 11, 2026
Takim me Ilirjan Celibashin, BE kërkon reformë zgjedhore të shpejtë, 5 prioritetet

Takim me Ilirjan Celibashin, BE kërkon reformë zgjedhore të shpejtë, 5 prioritetet

November 11, 2026
“Të shqetësuar, nesër mund të dhunojnë mësuesin e pedagogun”- Tryeza Kombëtare, Rama për përfshirjen e të miturve në protesta: Relativizuan dhunën dhe e justifikuan!

Rregulla të reja për mjekët dhe infermierët e rinj, Rama njofton lehtësimin e procedurave për Provimin e Shtetit

November 11, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In