Grupi i dytë prej 60 infermierësh nga Shqipëria ka mbërritur në Itali. Lajmin e konfirmon ministri Luigi Di Maio, i cili publikon edhe nga pritja personale që u ka bërë bluzave të bardha në aeroportin italian.
Di Maio shkruan se kjo është dëshmia e marrëdhënieve të shkëlqyera mes Italisë dhe Shqipërisë. Ai nuk harron të falenderojë edhe popullin shqiptar, si dhe qeverinë.
“Falënderoj kryeministrin Edi Rama, qeverinë shqiptare dhe popullin shqiptar për çertifikatën e dytë të shkëlqyer të miqësisë konkrete të dërguar në Itali.
Gjashtëdhjetë infermierë në mbështetje të bluzave tona të bardha, në vijën e parë të mbi 40 ditëve të luftës me virusin. Krenar për ndihmën që Italia po merr nga shumë shtete në botë” – thotë Di Maio.
