Me gjithë se ka dhuruar 40 miliardë dollarë për qëllime humanitare, Bill Gates mbetet njeriu më i pasur i rruzullit tokësor. Këtë n njoftim e publikoi agjencia “Wealth-X”, e cila përcjell pasuritë e 110 mijë personave më të pasur të botës.
Në krye të listës së më të pasurve edhe sivjet ndodhet Bill Gates, i cili ka 87,4 miliardë dollarë pasuri, transmeton Koha.net njoftimet. Këtë pasuri ai e fitoi nga Microsoft, të cilin e themeloi para 40 vjetësh bashkë me mikun e tij të fëmijërisë, Paul Allen.
Bill Gates nuk vetëm njeriu më i pasur i botës, por edhe dhuruesi më i madh i botës. Përmes fondacionit të tij Bill dhe Melinda Gates ka dhuruar 40 miliardë dollarë.
Ai në këtë mënyrë ndihmon të varfërit, luftën kundër HIV-it, malaries dhe sëmundjeve të tjera infektive.
Në vendin e dytë për nga pasuria ndodhet Amancio Ortega me një pasuri 66,8 miliardë dollarësh. Ai është pronar i kompanisë së modës “Inditex”. Mwe këtë punë ai merret tash 14 vjet.
Në vendin e tretë ndodhet biznesmeni amerikan dhe drejtori i kompanisë “Berkshire Hathaway”, Warren Buffett, pasuria e të cilit vlerësohet në mbi 60 miliardë dollarë. Edhe Baffett është filantrop i madh. Ai gjithë pasurinë do ta dhurojë pas vdekjes.
Jeff Bezos, po ashtu biznesmen amerikan, me pasurinë e tij 56,6 miliardë dollarësh zë vendin e katërt në listën e më të pasurve të botës, ndërsa ndiqet nga David dhe Charles Koch që kanë nga 47, 4 miliardë dhe 46,8 miliardë dollarë pasuri.
