Fillimviti i 2025 vjen me një lajm të bukur nga Einxhel Shkira dhe DJ Dagz: çifti do të bëhen prindër për herë të dytë!
Ata kanë postuar një video në rrjetet sociale, të filmuar në një vend me dëborë dhe me momente shumë të ëmbla për të na ngrohur zemrat. Trev merr një dhuratë nga mami e babi ku brenda ndodhet një eko e aty kupton se çfarë ka brenda barkut të mamit. Einxhel tregon edhe barkun e rrumbullakosur tashmë dhe familja shumë shpejt do të ketë një anëtar të ri.
Einxhel shkruan se kjo shtatzëni ishte surpriza më e madhe e 2024 dhe dhurata më e bukur e 2025.
3 vjet nga dita që u bëmë dy dhe sot të tre presim të bëhemi 4
2 Janar 2022
Zoti na ka bekuar sërish me dhuratën e tij më të çmuar…një jetë e re po vjen mes nesh dhe ne nuk mund të ishim më mirënjohës dhe përulësisht falenderues që familja jonë po rritet. Ti ishe surpriza më e madhe e 2024 dhe dhurata më e bukur e 2025. Mami, babi dhe vëllai mezi po presin për ty që të bëhesh yni.
