Një 57 vjeçar nga Lushnja përfundoi në pranga e policisë pasi ishte denoncuar nga bashkëshortja për dhunë fizike dhe psikologjike.
Policia lokale bën me dije se ai edhe e ka kërcënuar bashkëshorten për të mos bërë kallëzim.
Njoftimi i policisë
Dhunon bashkëshorten dhe e kërcënon për të mos bërë kallëzim, ndalohet nga policia.
Specialistët për Hetimin e Krimeve në Komisariatin e Policisë Lushnje ndaluan shtetasin:
-Lulëzim D., 57 vjeç, banues në Dushk, Lushnje.
Ndalimi i këtij shtetasi u bë pasi ka bërë kallëzim bashkëshortja e tij, shtetasja F.D, 54 vjeçe, se është dhunuar fizikisht dhe psikologjikisht nga bashkëshorti.
Gjithashtu ky shtetas e ka kërcënuar për të mos kallëzuar.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje” parashikuar nga Neni 130/a/4 i Kodit Penal.
a.ç
