Prokuroria e Tiranës ka kërkuar sot në gjykatë që Anjeza Shabani, administratorja e kopshtit “Diren” në të cilin janë dhunuar 3 fëmijë të mitur, të dënohet me 4 vjet e 6 muaj burg.
Ajo akuzohet për “keqtrajtim të të miturit në 3 raste” dhe “fshehje të të ardhurave”. Për shkak se gjykimi i saj është zhvilluar me procedurë të shkurtuar, asaj i jepet 1/3 e dënimit dhe mund të dënohet me 3 vjet burg shkruan Panorama. Në sallën e gjyqit Shabani nuk ishte sot, teksa avokati i saj pretendon se ajo ka shfaqur që në fillim pendesë për ngjarjen dhe ka kërkuar që ajo të dënohet vetëm me kohën e paraburgimit./a.m.
