Një tjetër rast dhune u shënua ndaj bluzave të bardha në spitalin rajonal të Shkodres, ku këtë herë në krye të detyres u godit infermierja me inicialet L.P.
Fenomeni po kthehet në shqetesim serioz për vetë mjekët dhe infermierët të cilët dolën në një tjetër deklaratë, duke kërkuar ndërhyrjen e shtetit, raporton ora news. Ata e quajnë domosdoshmëri prezencën e patrullës së policisë në mjediset e spitalit, pasi jo vetëm rrit sigurinë për të punuar të qetë i gjithë personeli mjekësor, por në të njëjtën kohë ndikon që familjarët të jenë të frenuar në reagime.
Drejtuesit e shendetësisë në Shkoder kanë kërkuar në vazhdimësi prezencën e policisë në spital, por deri më sot nuk ka patur një përgjigje zyrtare se si do të zgjidhet kjo problematike. Rastet e dhunës janë shtuar, ku vetëm në pak javë ky është i dyti në këtë qender spitalore.
