Policia e Beratit zbardh sherrin e ndodhur pak më parë në qendrën e votimit në shkollën e “Uznovës”, në Berat ku punonjësI i policisë G.L, 40 vjeç qëlloi dhe gjakosi një qytetar.
Mësohet se polici civil kishte shkuar për të votuar së bashku me familjen në këtë qendër. Në momentin kur punonjësi i policisë ka qënë duke pritur në rradhë është konfliktuar me shtetasin E.H 48 vjeç, banues në Uznovë, i dënuar para 2 vjetesh për veprat penale “Mbajtja pa leje e armëve luftarake dhe municionit” dhe “Dhuna në familje”, ndërsa në vitin 2016 është diagnostikuar me probleme psikike.
Në momentin që ky shtetas ka parë punonjësin e policisë e ka goditur dhe ofenduar duke i thënë se “pse më ke futur ne burg”?, ku më pas janë konfrontuar fizikisht me njëri-tjetrin.
Punonjësi i policisë menjëherë ka njoftuar grupin hetimor të cilët kanë bërë shoqërimin në komisariat të shtetasit E.H.
Për mënyrën se si shtetasi E.H është shoqëruar në Komisariatin e Policisë Berat në kundërshtim me proçedurat standarte të punës nga punonjësi i policisë M.L, njoftojmë se Drejtori i Drejtorisë Vendore të Policisë Berat ka bërë pezullimin e këtij punonjësi policie.
Ndërkohë Drejtori i Përgjithshëm i Policisë së Shtetit ka urdhëruar Drejtorinë e Standarteve Profesionale për nisjen e hetimit disiplinor./BW/a.m.
