Detaje të reja janë mësuar në lidhje me dhunën e ushtruar ndaj kancelarit të Gjykatës së Elbasanit, Ledio Sulkuqi. Burimet bëjnë të ditur se kanë qenë dy persona, të cilët e kanë goditur me leva sapo ai ka dalë nga një bar-kafe afër Drejtorisë së Policisë së Elbasanit.
Deri tani mendohet se Sulkuqi është goditur për shkak të pozicionit që ai ka si kancelar në Gjykatën e Elbasanit.
Si ndodhi ngjarja?
Ngjarja ka ndodhur mbrëmjen e djeshme rreth orës 22:30, shumë pranë policisë së Elbasanit, kur Sulkuqi sapo doli nga ambientet e një lokali. Sulkuqi është goditur disa herë me levë në trup nga persona të paidentifikuar. Janë shoqëruar në polici për t’u pyetur disa persona. Po ashtu policia ka bërë sekuestron e disa kamerave të sigurimit për të identifikuar autorët.
g.kosovari
