Biznesmeni libanez, Faad Mitri mund të jetë dhunuar për shkak të një procesi gjyqësor të fituar ndaj pronarëve të tokës ku po ndërton kompleksin turistik. Dhunimi i biznesmenit vjen vetëm pak ditë pasi Këshilli Bashkiak i Durrësit dha lejen për kryerjen e punimeve.
Policia ende nuk ka arritur të zbardh autorësinë e dhunës ndaj biznesmenit Libanez Faad Mitri, por sipas burimeve, një tjetër pistë është duke u hetuar.
Pak kohë më parë gjykata e Durrësit ka dhënë një vendim pronësie për tokën ku biznesmeni po ndërton kompleksin turistik.
Sipas hetuesve, disa banorë të zonës e kanë pretenduar këtë pronë me vendim gjykate, por ky dokument nuk u jepte atyre të drejtën e pronësisë.
Vetë biznesmeni, gjatë gjë bisede jahstë kamerave me Report Tv ka deklaruar se ky incident vjen pasi Këhsilli bashkiak i Durrësit ka dhënë lejen për punimet.
Po ashtu Mtiri ka treguar edhe për momentet e konfliktit në Qafë-Kashar. Sipas tij, dy persona e kishin goditur me sende të forta, kryesisht me një shkop bejzbolli, në pjesët e poshtme të gjymturëve në kokë dhe në trup.
Gjatë paradites të së mërkurrës oficerët e policisë kanë rimarrë sërish në pyetje biznesmenin libanez, dhe sipas informacioneve ai i ka qëndruar sërish pretendimit se është dhënuar për shkak të ndërtimit që po bën në Gjirin e Lalëzit.
Në lidhje me ngjarjen, policia ka shoqëruar tashmë 13 persona në total në cilësinë e të dyshuarve.
Burime të policisë thonë se tashmë ngjarja po hetohet në dy pista atë të një konflikti që lidhet pikërisht me investimet që po kryen në Gjirin e Lalzit kompania që drejton Faadi Mitri. Një fakt i tillë lidhet me konfliktet që Mitri ka pasur deri një vit më parë. Por për hetuesit mbetet e dyshimtë ngjarja, për faktin se sipas tyre konflikti ka nisur fill pas përplasjes së mjeteve.
Menjëherë pas përplasjes, mjeti me të cilin udhëtonte Mitri ka ndjekur atë që i ka goditur. Ndërsa më pas mjeti me të cilin udhëtonin autorët ka ndaluar dhe fillimisht autorët, kanë goditur shoferin e veturës së Mitrit. Më pas ky i fundit ka dalë nga mjeti dhe është goditur nga agresorët./a.k
